O proxecto Net4Food supón a creación dunha rede de excelencia no ecosistema alimentario da Eurorrexión Galicia-Norte de Portugal, impulsando a aparición e posta en marcha de novas solucións innovadoras; valorando os recursos endóxenos da Eurorrexión; e promovendo unha alimentación sostible, segura e saudable.
Desta estrutura cooperativa, espérase sentar as bases do futuro Laboratorio Ibérico de FoodTec, cuxo Memorando de Entendemento tivo lugar o pasado 4 de novembro no XXXIII Cumio Hispano-Portugués. O proxecto espera contribuír aos seguintes resultados:
Creación dunha estrutura previa ao Laboratorio Ibérico de Alimentación, que consistirá no desenvolvemento dunha axenda de actuacións que finalmente serán capitalizadas pola IFL, o que sentará as bases para o seu futuro funcionamento.
Desenvolvemento tecnolóxico empresarial a través dunha figura totalmente disruptiva, Open Innofood, que inclúe apoio directo a doce empresas para o ensaio e o deseño de novas solucións.
Mellora das competencias innovadoras dos grupos de investigación, coa participación en programas de mobilidade e a implementación de formacións específicas, incluído o I Congreso Interfood.
Promover as competencias científicas e innovadoras do territorio co fomento da aparición de novas iniciativas.
Posibilitar canles permanentes que faciliten a aparición de novos procesos de transferencia e o aliñamento entre os axentes do ecosistema coas novas axendas e estratexias internacionais.
Sentar as bases do futuro FoodTec Lab Ibérico, co que se promoverá o desenvolvemento do ecosistema alimentario.
